Сауаптары ҡабул булһын!
Сауаптары ҡабул булһын!
Баймаҡ ҡалаһының Халыҡ ижады үҙәге директоры Минзифа Надербаева инициативаһы менән коллективыбыҙ ҡыҙҙары һәм егеттәре эшләгән урындарына бағышлап, ил-йортҡа именлек теләп, ҡорбан салдырҙы.
Мерәҫ ауылынан саҡырылған Дәрүәрт мулла рух-әруахтарға арнап, матур итеп аят уҡыны, мәҙәни усаҡта эшләүселәргә ижади уңыштар, сәләмәтлек, бөтөнлөк һорап доға ҡылды.
Халҡыбыҙҙың, яҡташтарыбыҙҙың, йәштәрҙең һәм бала-сағаларҙың йөрәген рухи аҙыҡ менән байытыусы, районыбыҙҙың мәҙәни йөҙөн сағылдырыусы үҙәктең яңы эш сезонын изге эш, аҡ уй-ниәт менән башлауы һис шикһеҙ барыһын да ҡанатландырыр, яңы бейеклектәргә, яңы асыштарға әйҙәр, күңелдәрен сафландырыр, тип өмөт ҡылабыҙ.
#баймактар #ЦНТ #барыһылаяҡшыбуласаҡ